Ғибратты оқиға... Стакан емес, бұлақ болуға тырыс

Бір ғұлама шәкіртінің әр нәрсеге үнемі шағымданып жүретінін көріп қалады. Содан бір күні ол шәкіртті шақыртып алып, тұзға жібереді. Үнемі зарланып жүретін шәкірт тұз алып келген кезде қария оған бір уыс тұзды бір стакан суға ерітіп іш дейді. Шәкірт бұлжытпай айтқанын орындаса да, тұзды суды көп іше алмай түкіре бастайды. «Дәмі қалай екен?» деп сұрайды қария. Шәкірті «Ащы» деп жауап береді ызаланып. Ғұлама шәкіртті қолынан ұстап, жақын жердегі бұлаққа алып барады. Бір уыс тұзды суға қосып, сол суды да ішіп көруін сұрайды. Бұлақтың мөлдір суын ішкен шәкірттен қайтадан судың дәмін сұрайды. «Tәтті» дейді шәкірт. «Тұздың дәмін сездің ба?» сұрағына да «жоқ» деп жауап береді. Осы кезде ғұлама: «Өмірдегі қиындықтар осы тұз тәрізді, аз да емес, көп те емес – үнемі бірдей мөлшерде. Байқағаныңдай тұздың ненің ішіне қойылғандығы ғана маңызды. Сол сияқты, өмірдегі проблемалардың да ащы болып болмауы тек сенің сезімдеріңе байланысты. Стакан емес, бұлақ болуға тырыс», – деген екен.

Имам Ғазали айтқан екен: «Төрт нәрсені жасамай, төрт нәрсені айтып жүрген кісі – өтірікші!».

Кімде кім жәннатқа барғысы келетінін айтып, ешбір ғибадатты орындамаса – өтірікші!

Кімде кім Пайғамбарды жақсы көретінін айтып, ислам ғұламаларын ұнатпаса – өтірікші!

Кімде кім тозақтан қорқатынын айтып, күнә жасаудан арланбаса – өтірікші!

Кімде кім Аллаһты жақсы көремін дей тұра, тағдырындағы қиыншылыққа шағымданса – өтірікші!